علي كاظم درجال الربيعي
عدد المساهمات : 1092
تاريخ التسجيل : 07/10/2011
العمر : 74
 | موضوع: سرب العصافير / الشاعر جمال الأزبجي العبودي  الثلاثاء مارس 06, 2012 12:21 am | |
| ســـــــرب البلابـــــــل...قصيده للشاعر العراقي جمال الازبجي العبودي / الشطرة
------------------------------------------------
صعبة أترد كزاز وصافي مثل المــــــــاي
كزاز بطيحتك شتعــــدل الصـــــــــــــــــوره
ألزك بيك كــوه من الصبـــــــح لليــــــــــل
وأحس من الخدش عشرتــــــــنه مبـــــــــتوره
ماتـــــــرهم اكـــــلك لوله ظلت بيـــــــــك
أعدل صورتك والكــــــــاها مكســــــــــوره
جنت أصورك بــــس أنته فــــوك الكــــاع
كلشي يصير أنته بكلشي الك صـــــــــــوره
يوم الماتمر صحـراء أصيــــــر عليــــــك
وعليك من العطش كل ذره مفطـــــــــــــوره
ظلي الجان ظلك هســـــه ظلـــــي أنبــاك
وأتذكر كبل ظلـــي انتـــــــه ناطــــــــــوره
شجره تكول بعدك ؟! ياهــــو المســــميك
خضارك موشرط والـــــــــناس معــــــــذوره
ماتسمه شجـــره المايمــرهه الطيــــــــر !!
ومن سرب البــــــــلابــــل بقت مهــــــجوره
مو شرط الا ّ أضوكك حتــى أمّيز البيــك
بلسان الســــــــوالف تلكـــــه المـــــــروره
وما تصعب عليه وكلشي أنـــــدل بيــــك
حليتك كبـــــل مـــــن جــــنت حــــــــزوره
أنه أدري بشجرتك هسه بيهـــه أغـــراب
وأكولن مشتبه لاهايــــــــه عصــــــــفوره
محبتي ويــاك كاتبهـــه بنقش محفــــور
ماكاتبها مــــــثلك فـــــــوك صبــــــــــوره
وبين هسه حبـــــك من اجتــــه الريـــــح
كبل طبشور اديــــــك انمسح طبشـــــــوره
كبل كلش غشيم وكلبـــــي آمن بيـــــك
وحاجزها المشاعــــــر الــــك منــــــــذوره
هسه أرتد بعد والعشـك كـفـره أعليـــه
وأصلبه أعلــــــه الشجر لوفكر يـــــــزوره
أمــــس كتلك يماي الورد راح أيمــــوت؟؟
حديقة حبنه يم المـــــــــوت مخطـــــــــوره
فقط للزينــة كتلي ومـــا أوزع مـــــاي
وبشكلي الحدايق كلـــــــها مســـــــحوره
هسه اتندمت ؟! من نشف مايك جــــاي
مــــــــن ظل عالتراب العشك ناعــــــــوره
لاتزكي الحدايق كــــون عندك مــــــاي
أرجع ماأريدك أبقــــــــى نافـــــــــــوره
جاي أتريد ترجـــــع مــــن جديد وياي ؟!
كل عقلك تسولف لوحجي أســــــــــطوره
أيس حبنــــــه مات شلون أرد المـــــات
وأباب الكـــــــلب صبيت كافـــــــــــــوره
------------------------------
| |
|
