اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه
اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
عدد المساهمات : 1092 تاريخ التسجيل : 07/10/2011 العمر : 75
موضوع: رحلة مع الشعر الشعبي العراقي ----------- السبت أغسطس 18, 2012 7:29 pm
رحلة مع الشعر الشعبي العراقي ------------------------------- يكتب الشعر الشعبي العراقي بطرق عديده منها القصيده الكاملة بشتى انواعها ومنها الابوذية والدارمي والزهيري والنصاري والهوسات الاهازيج ) والنايل والعتابه والهجع والتجليبه ) القصيده ------------------------------------- تكتب القصيده كما يلي القديم ( الكلاسيكي ) ------------------------- يبداء بمطلع القصيده من شطرين مثلا ياطيف الحبيب إبعيد عني إبعيد مالك دوم جدامي مالك بالفراكَ الروح ذابت والدمع دامي ـــــــــــــــ مالك شو تراودني يطيف أفكار من هل ويل مالك ماتشوف الحال مني إولا تشوف الحيل مالك كَمت أكابر غاب عن عيني الوسن بالليل صِرِت ماافهم إمن أفهم كَرب من يبطي إعدامي ــــــــــــــــــ العمودي ( التفعيلة ) ----------------------- يكتب بعدة انواع واوزان مثلا كافي من غدر الهوى كافي من لعب الجهال كافي خل اصحه الزماني مابعد احمل دلال هذا نوع وهذا لون اخر ------------------------ سلامات اعلى طولك من حسود العين واسم الله يحرسك من مرض واوجاع َمنـَه ابلياك واحد ونشطر نصين هِرِش صفصاف لونَسَ مهبوب إنصاع _الابوذيه تتكون من اربعة اشطر ثلاث منها تاخذ جناس واحد أي الكلمه الاخيره هي كلمه واحده ولكن لثلاث معاني والرابط الاخير مختلف يجب ان تكون اخر حرفين (يه) مثلا (حوريه ) الخ وهذا بيت ابوذيه كامل وهذا للغناء يكتب حرت بسرارهم كلهم *** ومرهم جم مره تبت منهم *** ومرهم عذاب الي يجي منهم *** ومرهم احله من العسل طعمه اليه --------------------------------- _الدارمي شطرين فقط مثلا يحله المسامر بيج والعرس محلاه*** طولج غصن ريحان واتمايل وياه --------------------------------- _الزهيري ناديت يا باالحسن وكت الضنايك ** علي يالدين بيك اكتمل وارتفع حلـﮒ ** علــي ماخاب من يـﮔـصدك والله العليم ** العلــي مسرور من يـﮔـصدك باسم يحيــدر *** يرد حتى الـذي مامـلك فايز بحبـك *** يـرد اليهواك ماينحرم من الحوض باﭽـر *** يـرد لعداك طيبه وكرم ﭽـيـف اليحبك **** علــي --------------------------------
_النصاري
هنالك نوعين من هذا الشعر النوع الاول هو ----------------------------- تاخذني الافكار بعيد لبعيد**** و على المامش ابات و حسبتي تدور و اشبّن للسمه السابع و لا اهي**** و احس العمر خشبه بحلـﮒ تنور مجروح و دواي بحلـﮒ عربيد **** مهموم و ضحـﮔـتي بوسط زاغور ادوّر عن ﮔـمر و الـﮔـمر شيفيد **** اذا ذبحوا ضواه و باﮔـوا النور ----------------------------------- النوع الثاني هو ------------------------------- روحي اتواخذت يالماتحن الهه مثل عودة زرع راﭽـبهه منجلهه * * * رﭽـبهة المنجل وحاصود لاويها والف عونة حصاد اتهوس اعليها تكولب مال حاضر صبخة حريها وغدة ايضيع الفرس ريعان عاذلها --------------------- _الهوسات يافرحه ازفهه اليوم الك ياغــنوه اغنيهه وروحي من الفرح طارت ومدري وين الكَيهه الك فرحة يشعبي اليوم والتاريخ يحجيهه احنا الخططنا الملعب و احنا النلعب بيه )) --------------------------- _النايل تشهدله وقعة بدر تشهد احد بسمه للحمزه صفحة فخر متسجلة بدمه *************** من اجل اشرف هدف مرسومه خطواته همه وبساله وشيم مترسخه ابذاته قوه واراده وعزم تشرحها غاياته وجدانه طود انتصب يحرس نبي الرحمه ---------------------------------- _العتابه امم ماكَدرت تحصل مجد مثل ما حصله جون العبد ------- عبد لاجن بلغ هل مرتبه لبس تاج السياده والابه هتاف التضحيات يخاطبه مثل جون العبد ماينوجد وزن التجليبة ------------------------------ وزن مشهور من اوزان الشعر الشعبي ويسمى ايضا غناء الهجع وهو من بحر الهزج وتقطيعه العروضي: مفاعيلن مفاعيلن... مفاعيلن مفاعيلن -------------------------- كقول الشاعر هزجنا في اغانيكم... وشاقتنا مغانيكم اما في الشعر الشعبي فتكرر التفعيلة ست مرات فيكون الوزن: مفاعيلن مفاعيلن مفاعيلن مفاعيلن مفاعيلن مفاعيلن وسمي بالتجليبة نسبة الى القصيدة المشهورة المغناة التي لم يعرف قائلها ---------------------------------- لجلبنك يليلي اثنعش تجليبه **** تنام اهل الهوى وتكول مدري به تنام اهل الهوى وليلي فلا نامه **** اعاين للنجم والعب لعب دامه( المدفع )) ويلاه اعلى كلبي الزادن آلامه *** بلش بيه الهوى وامجن مخاليبه --------------------------------- واكثر الشعراء من نظم القصائد على هذا الوزن الجميل والكثير منهم يجعل مستهل نظمه هو نفس المستهل المذكور اعلاه كما في قول الشاعر -------------------------- اجلبنك يليلي واخبرك بلماي **** كمت اشري وعامل عالسمج بالماي وعكس مجرى النهر والريح جن بلماي **** لا الحدار الزمه ولاهي تغريبه اجلبنك يليلي وما امل منك **** لون تصير مية ساعة اجلبنك زماني ادروب راودني اخبرنك **** وبس وياي هالبين ملاعيبه وكما قال الشاعر الكبير المرحوم عبد الامير الفتلاوي في رثاء زوجته ------------------------------ عني تروح وانت الروح مر فركاك عكلي وياك ..روحي وياك ..اروح وياك *** روحي وياك خلها تروح روحي تروح ركص الطير ركصي لو ركص مذبوح *** اهن روحين صارن روح .. روح بروح *** ياسلوة سلاني الموت كون اسلاك تعال وشوف هذي ناشفه عن هاي فكدك داي لاجن داي اهو من داي وراك انداي ما وافاك صوت انداي يامدلول ناديني واجي اعله انداك -----------------------------------
لون من الوان المواليا من وزن الزهيري ----------------------------------------- يالحالي من بعدكم حال السكم ** ورده والكلب من نبعكم مر الاسف ** ورده ياصاح لو جاسكم ضيم علي ** ورده من الهضم والحزن ياصاحبي ** شرده بهواك ماحصلت من الزمن ** شرده بساقي فلا فكرت يوم العسر ** شرده بس فكرت بيك باحضان الكلب ** ورده ومن السريع في الشعر الشعبي ــــــــــــــــــــــــــــــــ ذوبت كلبي بصدودك وبجفاك اتغيرت متكلي ياكلبي شجاك ** اشتكيلك ياحلو وبعيني عبره وأه لو تدري شعمل بيه هواك ** بالذي يرضيك ياولفي رضيت واطمع بوصلك يمحبوبي ورضاك ** لاتظن انساك ياوردة اصباي شلي بكليبي التحداني ونساك ** لو غبت واتبعدت عن العيون اتغيب روحي وراحتي تمشي وراك ــــــــــــــــــــــــ ومن مشط الزهيري ــــــــــــــــــــــــ عنك اهواي انشدت بس ماوصل ** ردلي يالخذت كلبي الوفي كبل الجفا ** ردلي ضيعت كل التعب ماحققت ** رادلي ثلثين عمري انتهى بين العتب ** والهم ضايع بدرب الزمن اسحن صبر ** والهم طعت الوشاة ورحت منهم صرت ** ولهم يوم الغزاني العشك كلبي هتف ** مرحله لاجن ابد ماضكت من النبع ** مرحله ماجنت ادري الحلو بالحب اله ** مرحله ياحيف بمحبتك دمع النواظر ** وشل خليتني بغربتي بجروحي اروفن ** وشل سهم التجافي كلف هودر بجسمي ** وشل غنيت من لوعتي وماواحد ** ردلي ــــــــــــــــــــــــ ومن السامري ـــــــــــــــــــــ ياسامري وين الربع ** عيوني ترى شتاكت لهم مافادني سيل الدمع ** ولالمني شوكي بهم تركوا على كليبي صدع ** واتمرمرت من اجلهم وانا الوفا عندي طبع ** مهما يطول فراكهم هجر الوليف بياشرع ** وانا الحنين الوصلهم انوارهم حين التشع ** يبدي النها بليلهم
ومن شعر الحواشي *********** 1 ـ كاغد وناشه الماي كلبي 2 ـ اليوم اريد احباب كلبي 3 ـ كف العتب منهم يكلبي 4 ـ ظلام ياكلبي الولوني 5 ـ اشسويت يمدولب يكلبي ـــــــــــــــــــــــــــــــــ ومن شعر النعي ********* دللول يالولد يبني دللول عدوك عليل وساكن الجول ** ام الولد تحجي بالذراع مثل السفينه الشايله شراع مالي ولي ودنكت للكاع ** بيتك يخوي اشلون امره مره الحياة وياك مره لاشفت راحه ولامسره ** خيال مر بينا يخاله تلوح المراجل على عكاله نشمي ولانشفت دلاله ** راحوا وماظنتي يعودون فدوه الشواربهم والعيون بيهم فلا خابت البطون ** ياضعن ياكاطع البيده نمشي وراك أمشي بهيده بيك العزيز الي نريده ــــــــــــــــــ ومن شعر العتابه ********** وراد يعودي بالكلب والروح ** وراد عليكم ننشد الي راح ** وراد ضعنكم من رشيح العين ** وراد وعطشنا ماروى غير السراب ومن شعر المربع ********** راح الوكت ومشينه الذاك النزل حنينه راح الهوى وردينه للماجديه ألليله *** راح الوكت يانبعه والكلب ذاكر ربعه لاجت بعيني الدمعه نشفيها الي بالشيله *** راح الوكت ياورده وذبل جفانه الشهده كلمن دمعته بخده والشوك هدهد حيله *** راح الوكت ياترفه وجروح كلبي كلفه الواشي جفنه يغفه بس جفني دايم سيله ـــــــــــــــــــــــــــــــــــــــــــ من شعر الدارمي ــــــــــــــــــــــــــــــــــــــــ حسره الك بالدلال ضلت لما اموت ماتدري حكها الناس اصوابي بسكوت ـــــــــــــــــــــــــــــــ من شعر الميمر على طريق الجناس ــــــــــــــــــــــــــــــــــــــــــــــ ياصاحبي بعد الهجر مر بينه الغيرك على دروب الهوى مر بينه حلوك بعد ذاك الوصل مر بينه كافي التجافي والهجر يااسمر عالميمر وعالميمر وعالميمر ابقى بغرورك ياحبيبي الاسمر ــــــــــــــــــــــــــــــــــــــــــــــــــ ـــ ومن شعر العكيلي ــــــــــــــــــــــــــــــــــــــــــــــــــ ــــ ودعنا الغالي وردينه يادمعتنه ودمعة عينه راح ولعيونه اشتاكينه ياريته يحن ويرد لينه ــــــــــــــــــــــــــــــــــــــــــــــــــ ــ ومن شعر الموشح السريع ـــــــــــــــــــــــــــــــــــــــــــــــــ اه من حركة جفاها اه من صدها وهجرها كلبي محتار ابأمرها الروح مظفوره بشعرها وضوه عيوني من ضواها أه من حركة جفاها ومن شعر الموليه ـــــــــــــــــــــــــ ياعين مليتين ياعين مليه مابقت بكلوبهم عاليحب حنيه ـــــــــــــــــــــــــــــــــــــ ومن شعر الباديه 1 ـ السامري ياسامري وين الربع ** عيوني ترى اشتاكت لهم مافادني سيل الدمع ** ولالمني شوكي بهم 2 ـ الكصيد هم الليالي أذكى لي ضامري واتحملت جور الحالكات ** وانا شويكي ياهلي هاجري ** وضحن عيوني عليه مساهرات مانفع تصبيري ولا مكابري ** ما سلوتي غير الدموع المهملات ــــــــــــــــــــــ 3 ـالحدي هلا هلا يافركتي ** طال المسار الموردي للله وحده شكوتي ** لاسلوى لي غير الحدي ** جسمي نحل من غربتي **وامشي على ضي الجدي ألله ادرى بحالتي ** والرحمته باسط يدي ــــــــــــــــــــــــــــــ 4 ـ الدحه الرجال :: أه يشويكي ،،،، دحه ألنساء :: هيجت شوكي ،،،، دحه 5 ـ الموشح كطعت اوتار كلبي بالخصام بيش اعزفلك بعد لحن الغرام اعتب او ادري العتب ماينسمع اولا يحن كلبك بزخات الدمع ما شفت والله مثل طبعك طبع ـــــــــــــــــــــــــــــ
اجت حلوه الطول يامحلا الخصر بالوعد خالفت واحسبته هجر ** اجت يحباب العمر سووا درب اجت زعلانه وانه مني الذنب حكها يسبكني ويصافيها الكلب خالفت بالوعد لاجن اعتذر ــــــــــــــــــــــــــــ 6 ـ الرجدي مادرينا العشك محنه ** اولا درينا الشوك نار ياترف لسباب هجرك ** مابعد ضل اعتذار مدري ياولفي شجاك اعيونه تربي وراك احتاجت العين الضواك ــــــــــــــــــــ 7 ـ الهجري يازمان الهجر بسك ** خلص كلبي ومالي حيل وكفت الساعه وحسك ** حتى صبحك صار ليل راحوا احبابي الاحبهم والجدم ضاع بدربهم لو مثل كلبي كلبهم ** جان اجوني بلا دليل
ـومن الشعر الشعبي / ألبسته ـــــــــــــــــــــــــ بسته ثلث نوبات ** ماجني بسته طعم العسل يحباب ** بشفافه ضكته *** بسته وحلاة البوس ** بعد التجافي وكلبي على البوسات ** يحسد شفافي
ــــــــــــــــــــــــــــــــــ ومن الشعر الشعبي / الساجدي ــــــــــــــــــــــــــــــــــ نمشي على نجم الجدي ** وبيه للمضارب نهتدي نرضى كلام بن الشهم **ونرفض كلام بن الردي احفاد لاجداد مضوا ** بالضيم والذل مارضوا شالوا خيام وكوضوا ** واترنموا بالساجدي نمشي على نجم الجدي ــــــــــــــــــــــــــــــــ ومن السريع في الشعر الشعبي ـــــــــــــــــــــــــــــــ ذوبت كلبي بصدودك وبجفاك ** اتغيرت ياترف متكلي شجاك اشتكيلك ياحلو وبعيني عبره ** وأه لو تدري شعمل بيه هواك ـــــــــــــــــــــــــ ومن المربعات البغداديه ـــــــــــــــــــــــــ يابن الحموله عليه اشبدلك ** حسنك امرقيك لو عاده الك *** محلا جمالك ياريم الفلا ** مرحبا بجيتك يامية هلا وياك عمري يامحبوبي حله **مااظن عاشك مثلي دللك ـــــــــــــــــــــــــ ومن المربعات الفراتيه ياحبيب العين ** سهرت عيني دوم افكر بيك ** يمته تجيني *** ها ياحبيب الروح سهرت عيني يالدوم افكر بيك يمته تجيني *** منيتي ملكاك ** ياضوه عيوني والغرام يزيد من يلوموني لاتظن بجفاك ** خابت ظنوني اشما تعبت اوياك ماتجازيني ياحبيب العين سهرت عيني ــــــــــــــــــــــــــ ومن مربعات الناصريه ــــــــــــــــــــــــــــــ ليل واتجمع شملنه ** ترف ولدارك وصلنا أه ياريحة اهلنا ** الدمعه صارتلي وسيله ومن الشعر الشعبي / المشط في الابوذيه ــــــــــــــــــــــــــــــــــــــــــــــــــ ـــــــــ كلبي من هواك اهواي ** داراك وصدك ظني كلام الناس ** داراك بعد هيهات جدمي يصل ** داراك من حبك بعد شنتظر ** ورجه ماضلت بغصن العمر ** ورجه هاك الكلب للعذال ** ورجه وشمتهم بجرحه وضيم ** حاله جفاك نحيل مني الجسم ** حاله الك صار الغدر والهجر ** حاله ومنك للعكس غاسل أديه ــــــــــــــــــــــــــ ومن شعر الابوذيه المنثور ـــــــــــــــــــــــــــــــــــــــــــ كفاني من العتب واللوم ** مليت ياما أقداح انا من الصبر ** مليت كلي اشجم كلب بالحجر ** مليت ياما أجداح طال النوح كلي جروح بسك روح سابي الروح من اتلوح اضل مطروح بسرك بوح انت وياي لو ضدي وعليه ـــــــــــــــــــــــــــــــــــ ومن الشعر الشعبي / الابوذيه ________________ يطارش خذ كتابي وياك ** وصله على المعرف عمامه منين ** وصله اخبره الكلب صار أثنعش ** وصله وكل وصله تطالب جيبه ليه ----------------------------
السبت أغسطس 18, 2012 7:29 pm