وتعده العمر

موضوع: وتعده العمر الثلاثاء أبريل 17, 2012 6:04 pm

وتعده العمر
--------------
وتعده العمر لحظات ...
قبل جم يوم ... شيدنه المحطات ...
تكية العمر ...
وبمرصد الريح ..
اكل ودها الخريف براحته وفات ..
تعدينه .. وحلمنه بأول الليل ..
وعيون السهر كطعت مسافات ..
جرحنه من الوكت ..
يتناوب سنين ..
واحله سنين مردتها المعاناة ..
نزرع بس زرعنه يموت باللوح ..
خلصنه العمر .. نحصد حرامات ..
***
كتبنه الشوف ..
فوك اوراقنه البيض ..
والف ذات بفكرنه .. يعارك بذات ..
وتحول بياض الورق للعين ...
وسواد العين .. فوك اوراقنه يبات ...
بذات الوكت ...
لمن عرفناه ...
بس غصبا نعاشر هيج بذات ..
اي غصبا نعاشر هيج بذات ..
***
لعب دنيانه يا صاحب ** وجد ما
لكيت ... شلون بالبيده ** وجد ما ..؟
الوكت عثرني بدروبه ** وجدما ..
سحكني لمن شفت المنيه ..
---------------
جميل السبتي
السويد

» العمر / الشاعر جمال الأزبجي