مساجلة بالدارمي بين الزوج والزوجة

مساجلة بين الزوج والزوجة
---------------------------
الزوجة..
أكعد نهارك فات أوه أمداني
خلصت عمرك نوم تشخر بذاني.
الزوج...
متكليلي شتريدين خليني نايم
اليصبح بوجه البوم يشبع شتايم.
الزوجة
كون آنة بومة أتكول جا أنت الغراب
من شقتك ولليوم تبحث بالتراب.
الزوج
بسج ولج مليت جنج سدانة
كل عمرج اتحتين وبيج ألبخ آنة.
الزوجة
أكشر يذاك اليوم يا حظي الأسود
جا أنتة هم رجال يا اغم تنعد.
الزوج
بس بعد لا تحجين يم البراطم
غلطة آنة بيج رضيت وعليهة نادم.
الزوجة
لو كبل وجهك هاذ شايفتة آنة
جا أنتة والوياك شلعت أذانة.
الزوج
وجهج أمزنجر دوم مثل الحديدة
لو أجلفة اني بسيم ما أظن يفيدة.
الزوجة
جا أنت وجهك زين جن شيلة أمي
مثل الجذع ممدود رجلي اني يمي.
-------------------------------

» وصايا للزوج والزوجة لإغناء علاقاتهم الزوجية