علي كاظم درجال الربيعي
عدد المساهمات : 1092
تاريخ التسجيل : 07/10/2011
العمر : 74
 | موضوع: ياانت الوطن / الشاعر جمال الأزبجي  الثلاثاء مارس 06, 2012 2:32 am | |
| يا انت .. الوطن ! / الشاعر المبدع جمال الازبجي / الشطرة
---------------------------------------------
كِبَر ثارك علينه وراسه خَضَّرْ شيب
ظل محني الظّهَر ما يِملِك القوّه
دَك الباب دَمّه وما فِتَحنَه الباب
مـا كِلنه غِلَط بس كِلنَه مو هُوَّه
تعذرنه الوطن من ياهو ناخذ ثار
ألف طعنه أعله ظهرك خَلّت الخُوّه
مثل طبع المعادن مُجتَمَعنه أشكال
بالصنف الـردئ اتبيّـِن الفَـجوَه
زوده من الشّمِس لَيْغُرّك اللماع
يـوصل للظلام وكلشي مـا ضوَّه
مثل حال الكَبُر من بَرّه تلكه ألوان
بس هيّ المصيبة شْتِلكَه مـن جَوَّه
وين العلـ ثلِج كل عمره خلَّص نوم
أوّيـن العلَـ ْجَمُـر خلَّصهـه يِجَّـوَّه
مات الخوف بينه وهسَّه خَضّر موت
ومِزدَحمَه المنـاجِل والجِفَن ثَـروَه
ما عالي السّطح..بس إحنه مثل الكاع
شمـا يِنْصَه السّطِح نُصَّوَّرَه شْعِلْوَه
إحنه وياك خُوَّه وشيلِتَك عالراس
بس وَكت العِسـِر تِعْذِرْنَـه بالخُوَّه
وأعِذرَه الكال فِدْوه أوَّزّعَك عالناس
لو شايف تَعَبْ مـا كالهُم فِـدْوه
أبيعَك هسَّه أحسَن من كَلُب والسان
لأن بـاجِر يِجي وتِنبـاع بالكُوّه
بس واحِد إجاك وجَوَّه رِجلَه الخوف
يَعني الخوف مـات بأوّل الخُطوه.
------------------------- | |
|
