صوت ام البنين

موضوع: صوت ام البنين السبت فبراير 25, 2012 4:37 am

صوت ام البنين / للشاعر حيدر النجفي
------------------------------
اينادي ابدمع العين * صوت ام البنين * آيبني يحسين
----------
يهتف بالهم صوت الحرّه - من ردت زينب بالجمره
من شافت كل أم منكسره - من نظرت للرايه الخضره
عرفت بحسين انگص نحره - عرفت بالطف هشمو صدره
الدم المظلومين * صوت ام البنين * آيبني يحسين
----------
من زينب تسمع من زينب - احسينچ بارض الدم امغيب
احسينچ ظل ابدمّه امخضب - احسينچ ظامي وچبده تلهب
احسينچ گلبه ابسهم امصوب - حتّى اصبع ايده امسلب
ايسمع المتسلبين * صوت ام البنين * آيبني يحسين
----------
حسين ابن الزهراء وابني - حسين الفرگاه ايعذبني
حسين امصابه اللي شيبني - دولاب الطف بالهم ذبني
يا ريت الخالق كاتبني - ذباحه ابداله يذبحني
هذي تحصل وين * صوت ام البنين * آيبني يحسين
----------
بدموعي وهمي ربيته - ابروحي وبنص گلبي بيته
ومن سافر كل ولدي انطيته - سالم يرجعلي اتمنيته
الكل فدوه الراسك ناديته - بربع شبان آنه افديته
مو الأربع طيبين * صوت ام البنين * آيبني يحسين
----------
ربيته وهوه الرباني - وبخدمة شخصه عنواني
وبحبه مختوم ايماني - صومي وتسبيحي وقرآني
ومصابه هوه الخلاني - متگبعه ابهمي واحزاني
آيا چف البين * صوت ام البنين * آيبني يحسين
------------------------
حيدر النجفي