ابوذيات تنبتية

ابوذيات تنبتية
--------------------------------
طعم حبك حبيبي عسل = ويجوز
ومنك مايتوب الكلب = ويجوز
تريد انساك بس بالموت = ويجوز
تلمنة الاخرة ونرجع سوية
==
الك ياما دليلي ارتجل = ونشد
وحبلي وياك حيل انعكد = ونشد
اهيم ابذكر طرواك = ونشد
واحس اعضاي كلهن موش اليه.
==
هموم هواك ما خلــــــــن = علي حال
فريضة وحبك مــــــــــــــــــــن الله =علي حال
يالتنشد على حالـــــــــــــــــــي = علي حال
شيفيد النشد عالصار بيـه
==
جروحك ياكلب للشمس = شرهن
وليالي الضيم ابد ماينحمل = شرهن
الك رهنت العمر وبعد = شرهن
اذا حتى العمر ماظل الية
==
الك كل يوم اتعنى = واصل بيك
عنادك وين يابن ادم = وصل بيك
حبيبي وشايل بجيبي = وصل بيك
وباجر بيك ينطوني هوية
==
محبتك تجري وي روحي = ويه دماي
وعليك انشلت اعظامي = ويدماي
انجويت انه ابيد انه ناري = ويدماي
ولكن من يطابكهن سويه
==
قلبي مالعب غيرة = لعابه
واحس شفة لامراضي = لعابه
سبحانه الذي صاغة = لعابة
ونفخ بي روح حتى يعم علية
*****************************
[center]

رائعة جداً ابيات الأبوذية هذه ولكن ما أيقظ استغرابي هو العنوان حيث إلتبس عليَّ الأمر في كلمة تنبتية أرجو توضيح معنى هذه الكلمةوهل هذه الأبوذيات هي للشاعر علي كاظم درجال الربيعي محبتي

ما أروع قلمك حين يصول ويجول

بين الكلمات تختار الحروف بكل أتقان