الشاعر كاظم محمد داغر المالكي

الشاعر كاظم محمد داغر المالكي / من اعداد ابو عمار الربيعي
-------------------------------------------------------------
من اعلام المجر الكبير في ميدان الشعر الشعبي
ألشاعر / كاظم محمد داغر ألمالكي من مواليد ألمجر الكبير 1971 ميلادي
1 حاصل هلى شهادة أعدادية ألصنا عه لعام 1988 م
2 من أعلام الخط العربي في ميسان
3 رسام واقعي ممتاز
4 لديه ديوان شعر شعبي مخطوط في كافة ألوان ألشعر الشعبي كالموال والابوذيه والدارمي والقصيده الطويله والابواب الاخرى
--------------------------------------------------
من شعره :
أنه أول جرح بجه ألسجاجين
وأنه أول قصيده أتسكت ألحروف
**
عهدي أويه ألبواجي وعمري سنتين
وهسه الشيب خط او غطه الزلوف
**
هويتي أتصدرت كل العناوين
وسيف أنه يتحدى اشباه السيوف
**
اوياي اتخالفت كل الموازين
أسرد والوكت متحير أيروف
**
على جلدي الوكت تارك نياشين
تمعنه بضمير وعاين اوشوف
**
واذا تسأل أبن من هذا ومنين
أنه تلميذ من مدرسة ألطفوف
**
أخذت أدروس من مدرسة ألحسين
أو وقعلي أبفخر مكطوع ألجفوف
من شعر ألابوذيه للشاعر عبد ألكاظم ألمالكي من مواليد ألمجر ألكبير *
1 خزن جرح كلبي أعليك ** وديت
ورسايل هاكثر بس ألك ** وديت
أشتود لو زاعلتني أعليك ** وديت
أودن كون تاخذني ألمنيه
**
2 دمعي أعليك يجري أكثر ** من ألشط
وخاف أعلى ألعكل تدري ** من ألشط
أمن أبوسك لازم أشريلي ** من الشط
أشما أ بوسك أحس أتموت أديه
**
3 جبل هم بالكلب ياصاح ** مومن
وتمادى حيل وكتي أويا ي** مومن
علي رايد حبيبي أيصير ** مومن
ويحل ويحرم بكيفه عليه
**
4 كافي أمن ألهجر ياترف ** بس بس
وحلكي ماغلط وياك ** بس بس
ألشا مت بذنك أمنكفيت ** بس بس
ويريدك كون بس تزعل عليه
----------------------------------
مع تحيات أبو عمار ألربيعي / مشكور ياشاعر ألمجرألكبير ألمبدع أخونا ألمالكي
[center]

كاظم المالكي....النبي الذي اضاع نبوته في لحظة وحي....فظل يطوف في اروقة المجر الكبير ..محاولا تذكر ما الذي يبحث عنه!!!!!
ولانه نسي شكل حروف اسمه في عهد نبوته الضائعة؛...
فقد راح يملا جدران مدينته المتربة بآلاف الحروف المتعانقة كعاشقين مذبوحين ...تقطر من اوردتهما اللوعة ..والتوق الموءود!!!!
حبي لك ..ايها المالكي الشفيف!!!