قصيدة ( لاتبجين ) للشاعر وألباحث علي كاظم درجال ( أبو عمار )
------------------------------------------------------------------------
لا تبجين دمعاتج على تراب الكبر طين
لا تبجبن دمعاتج ثكيله وماليه العين
أحلفنج أبعشرتنا القديمه ودم الحسين
أحلفنج بنوم العافيه ونبض الشرايين
أحلفنج بشارات أبو سدره والبساتين
أحلفنج لأن أنت عزيزه وماليه العين
أحلفنج بقطرات ألندى وطيب الرياحين
أحلفنج بشمام ألبنات أمطعم بتين
لا تبجين أضفرنج قصيده إعله الحياطين
وضل أغزل بشعرج غزل مسكين
ونه مدوهن بحبج صارلي سنين
وانه أدري أمن أطيحن ماتكصرين
كافي ألنوح بحت صوتج أتصحي المجانين
لا تبجين حتى ألكبر ينطر من تصرخين
أشعلي شموع وقري الفاتحه وسورة الياسين
وذكري الله يسمره أو لا تكفرين
صحيح أنت الوفه وشمعة الطيبين
وصحيح أنت الحملتي الزين والشين
وصحيح أنت المراسيلج دواوين
وصحيح انت انظلمتي وصاحبة دين
وصحيح أنت العلى العيله تصبرين
وصحيح انت الرسمتي إعله الورد عين
يهيل أنت بطعم كهوة فناجين
أذكريني أنه الشايل محبتج بالشرايين
شتل عنبر على أضفاف الفراتين
يكاط وعنكر وجولان زاهي ويه الكواهين
أحس حنظل ابريجي أشما تصدين
لأن كل المعاني أتغرز بضلوعي سجاجين
مامرتاح وأنت عيون محبوسة روازين
مامرتاح أجوب المدن ملتني الدرابين
جم عيد اليمر وأنت مكدره وما تضحكين
يمفتاح المحبه القفل زنجر عاكره البين
أو تخلبص غزل عمري أعلى الطواوين
---------------------------------------------[center]
الجمعة أكتوبر 07, 2011 12:23 pm