علي كاظم درجال الربيعي
عدد المساهمات : 1092
تاريخ التسجيل : 07/10/2011
العمر : 75
 | موضوع: هدية عرس هيله  الجمعة يوليو 11, 2014 5:03 am | |
| هدية عرس هيله
--------------------
شريد اهديلج ابعرسج ؛؛
سكم لو نوح لو ونه""
لو حسرات بين احشاي ؛؛
ثوب العلي حركنه ""
سيايير العرس مرت ؛؛
وروحي امن الجسم فرت؛؛
مشت وياج غايتها ؛؛؛
تنشدج وين جاوحته !!!!
نسيتينا ولاجنه *&* على العشره تحالفنه
نسيتينا ولاجنه *&* شواطي العشك جمعتنه
نسيتينه ولاجنه *&* شربنه بكاس صحبتنه
نسيتينه ولاجنه *&* تمازحنه وتمرجحنه
وعكدنه راية العباس ماتركس محبتنه ؛؛؛
ولاصوتج يرن بذني ولاتذكار الج عدنه ؛؛؛
بكت بس شمعة العشره ؛؛؛
تكافح وحشة الغرفه""
هجم جيش الصدود ايريد ؛؛؛
يطفيها فلا تطفه""
طفت يوم الخميس الفات ؛؛؛
من مر هودج الزفه ""
هلاهل والطبل يدوي؛؛؛
وبنات وجوهن تضوي ؛؛؛
يهوسن والكلب مسكين؛؛؛
بالهوسات مردنه ""؛
ياونه اباثر ونه *&* دني اذنك يشامته
اخبرك مابعد رنه *&* ولا كل طور يطربنه
ولافكر ابد بالصار *&* ضاع بهيعة المنه
انه عمري جزى الستين ؛؛؛
كبري بيدي احفرنه ؛؛
ووسد راسي فوك الكاع ؛؛
واغفه اومااضل اتنه ؛؛؛
لأن حبل الموادد باد ""
بس ادنه يكطعنه ؛؛؛
واضلن مثل حادي النوك ؛؛؛
بس ايهضل خلنه !!!! ....
--------------------------------
| |
|
نورس الجنوب
عدد المساهمات : 31
تاريخ التسجيل : 03/08/2014
| | موضوع: رد: هدية عرس هيله الأحد أغسطس 03, 2014 10:48 pm | |
| أقف إجلالا وإحتراما وتوقيرا لكلماتك الراقية | |
|
