دم الشرف
حسين جهيد الحافظ
21 رمضان من سنة ما
من سال بالمحراب دمك يا علي
اِتشرف المحراب من سيل الدمه
وصاح جبريل وحزن صوته ارتفع
انهدم هاليوم ركن اِمن السمـــه
اِهتزت الگاع اِنكسف نور الشمس
والگمر مخسوف واِنصاب اِبعمه
اِغتاظن النجمات والدمعه مطر
مات أبو الأيتام حمــاي الحمـــه
مات قرآن الاِله الناطق ابدنيه البشر
مات أبو الكلفات راعي الموزمه
مات اِمام الدين .....نبراس العلم
حـيــدر الكرار والكــل يعــــــلمه
خاتم اِسليمان هو..وهوعصّاة الكليم
والمسـيح اِبمهده حـيـــــدر كلمه
لوما علي امن الحوت يونس ما نجه
ولا رجع يوســف لبــوه وفهـــمه
وچا سفينة نوح ما سارت أبد
وشگت أمواج وسحـــب متلاطمه
اِسأل الأحزاب واِنشد من بدر
وأبحنين اِشــلـون صنو الغانمـــه
خلهه بيهه الروس ما تعرف أجساد
وبيهه خله الخيل تــنحط هايمـــه
وگلب التاريخ واِسأل عالأسلام
لوما علي الاِســلام أبداً ما سمـــه
اِبسيفه ذو الفقار واِبچفه السخي
اتشعـشع الإسلام عالدنيه أوسمـه