شعدلك جرح جرحين

شعدلك جرح جرحين
------------------------------

شعدلك جرح جرحين صار العدد بالميه
اولهن نسيت انساك والثاني كطعت بيه
والثالث ذنب معروف هجرك شنهو تاليه
والرابع صعب فركاك ما ينجاب طاريه
***
اتعارك لجل عينك ** وطك طك
وللحاسد اذب حرمل ** واطك طك
افرح من تراسلني ** واطك طك
اصبعتين من تسأل عليه
**
يهل روحك عله الطيبات ** تربه
وعله دربك تظل العين ** تربه
ياريت اكعد عله مصلاك ** تربه
وابوسك من تحط كصتك عليه
**
شما اكتب يظل اسمك ** على املاي
وقضيه انت اصبحت ليه ** وعلم لاي
منارة انت بوسط كلبي ** وعلم لاي
تظل عالي وترفرف بس عليه
**
وحك رمضان وأشرافه ** وكتبه
عليك يهل دمع عيني ** وكتبه
انه شماريد أهم خطك ** واكتبه
شدهني جفاك من غصبن عليه
**
كلبك جان ياولفي ** محنه
وليالي الهجروالفركه ** محنه
وين بعدت يالكلك ** محنه
فراكك صعب يالغالي عليه
**
تعال وشوف كلبي ولك ** سل بي
لان وياي حجيك دوم ** سلبي
يدنيه شما سلبتي بعد ** سلبي
بعد ماخاف لو تدنه المنيه
**
بعدني أوياك بالعشرة ** ولا زال
وحبك بالكلب ثابت ** ولا زال
وحكك صادك بحجيي ** ولا زال
اضل وياك الآخر نفس بيه
**
مدري العيب عندك ** مدري عندي
مدري غلط عدك **مدري عدي
مدري اوكف وطالب ** مدري اعدي
واكولن ينصلح ويرد اليه
**
احبك من زمن جدي ** وجدك
وروحي راحت مني ** وجتك
دورتك بين اضلوعي ** وجتك
بنص قلبي ومشعش عليه
*******************

عدد المساهمات : 31 تاريخ التسجيل : 03/08/2014

[centأقف إجلالا وإحتراما وتوقيرا لكلماتك الراقية

er]

[/center]